Nagsagawa kamakailan ng two-day trek sa Mount Pulag, Benguet ang 7th Infantry (Kaugnay) Division ng Philippine Army bilang bahagi ng pagdiriwang ng kanilang anibersaryo sa August 1.
Tinagurian itong “Kaugnay Environmental Trek” na pinangunahan ni Major General Andrew D Costelo, Commander ng 7ID kasama ang non-commissioned officers.
Sa pahayag ni MGen Costelo, sinabi nitong hinangaan niya ang pagsisikap ng mga delegado na maakyat ang tuktok ng nasabing bundok at hinikayat ang mga ito isabuhay ang diwa ng Kaugnay.
Layunin umano ng aktibidad na itaguyod ang local tourism sa Mt. Pulag at bigyang diin ang kahalagahan ng kalikasan.
Kabilang na rin ang promosyon sa pangangalaga sa katawan upang maging malusog at palakasin ang samahan ng tropa ng 7ID Kaugnay.
