Dalawa sa mga bayan na pinaka matinding hinagupit ng Bagyong Ompong sa Nueva Ecija ang Talavera at General Natividad kung saan wala na umanong aanihing palay at gulay ang mga magsasaka kaya naman nais nang maideklara ng mga lokal na pamahalaan sa ilalim ng state of calamity.
Base sa Damage Assessment Report ng Municipal Agriculture Office ng Natividad as of September 15, 2018, umaabot sa isang daang milyong piso ang halaga ng mga napinsala sa bayan ng Natividad. Ang pinakanapinsalang pananim ay palay na umabot sa 24, 698,535 milyong piso, sumunod ay ang mais na umabot din sa 1,225,620 milyong piso habang ang livestock naman ay nasa 528, 000 pesos.
Ayon kay Benjamin S. Manuel Jr., Executive Officer ng DRRM, Gen. Natividad, pinakaapektado sa lugar nila ay mga pananim ng mga magugulay.
Nagkaron na aniya sila ng pagpupulong upang magdeklara ng state of calamity sa kanilang bayan, nagsagawa din ng aktwal na pagtatasa at pamamaraan ng pagbibigay ng pamahalaan ng subsidiya para makakuha ng agaraang ayuda ang mga magsasaka.
Kabilang sa mga magsasakang apektado sa bayan ng Gen. Natividad ay si tatay Bienvinido Maolino, animnapu’t limang taong gulang na at kasalukuyang magugulay sa walong ektaryang lupang pag aari nito. Kwento ni tatay, makailang beses na silang nakararanas ng ganitong kalamidad at hanggang ngayon ay wala pa din aniya silang natatanggap na ayuda mula sa gobyerno. Malungkot man si Tatay Bienvinido sa nangyari sa kanilang pananim ay nagpapasalamat pa rin siya dahil ito lang aniya ang kanilang sinapit kumpara sa ibang lugar na labis na nasalanta ni bagyong Ompong.
Samantla, ayon naman kay Denmark Ramos, Local Disaster Risk Reduction Management Officer ng Talavera, halos 86.79% ng 53 Barangays ng Talavera ang naapektuhan ng bagyong Ompong. Dahilan kaya napagdesisyunan nila na kailangan nilang magdeklara ng State of calamity.
Umabot sa 230,123,895.75 milyong piso ang halaga ng mga pananim na napinsala, 399, 600 pesos naman ang nasira sa mais at 166, 800 pesos ang naitala sa livestock at Poultry sa kanilang bayan.
Hiling naman ni Kapitan Edgar Garcia at ng mga Konsehal ng Barangay Bagong Silang Talavera, na may 138 ektaryang lupa sa kanilang barangay at pare parehong may patanim na palay, sana ay makabawi na lamang sa halagang daang libong pisong kanilang ginastos o pinuhunan sa pagtatanim na ipinangutang lamang umano nila.
Panawagan pa nito, na sana ay matugunan at mabigyang atensyon ang mga pangaingailangan ng magsasaka katulad na lamang ng ayuda na mangagaling sa gobyerno lalo na sa mga ganitong sitwasyon.-Ulat ni Getz Rufo Alvaran.
