Biyernes pa lamang ng hapon noong September 14, 2018 ay nag evacuate na ang mga taga brgy. San Alejandro, Pulong Bahay, at barangay Sto. Cristo sa Quezon.
Ayon kay Barangay Captain Reynaldo Lazaro ng Pulong Bahay na tuwing may kalamidad tulad ng bagyong Ompong ay lagi silang binabaha at nasisira ang kanilang mga pananim kayat bago pa man dumating ang bagyo ay nasa evacuation center na sila.
Umabot umano sa 10 feet ang taas ng tubig baha galing sa umapaw na ilog kaya maraming kabahayan at pananim ang nalubog ng baha na aanihin na sana sa susunod na buwan.
Samantala, binigyan naman ng Pamahalaang Lokal ng Aliaga at Department of Social Welfare and Development Office ng Relief Goods ang mahigit apat na raang pamilya sa Brgy. Bibiclat na napinsala ang mga pananim na gulay.
Ayon kay Brgy. Captain Mauro Guevarra mabilis na tumaas ang tubig sa ilog dahil sa malakas na ulan dulot ng bagyong Ompong.
Pasasalamat naman ang tugon ng mga residenteng naabutan ng tulong sa naturang lugar.
