100 pamilya sa bayan ng Sta. Rosa, nag–evacuate, pamahalaang local ng Jaen, namahagi ng relief goods

Umabot na sa isandaang pamilya at inaasahang madadagdagan pa ang nag – evacuate na pamilya sa bayan ng Sta. Rosa as of 4:30 pm September 15, 2018.

Pansamantalang nakatuloy ang mga evacuees sa Municipal Evacuation Center  mula sa mga barangay ng Valenzuela, Zamora, San Josef, Rizal, Luna, Gomez, Cojuangco, Isla, Sto. Rosario, ramos, San Mariano, La Fuente, at Del pilar.

Bandang  alas singko ng hapon September 15, 2018 nang magsimulang tumaas ang tubig sa ilog ng Sta. Rosa buhat sa mga bayan ng Gabaldon, Bongabon, Laur, at Rizal na naging dahilan ng paglikas ng mga taga Sta. Rosa.

Ayon kay Municipal Administrator Argie Esquejo, pinaghandaan ng Disaster Risk Reduction and Management Council ang pagdating ng bagyong Ompong dahil flood prone area ang Sta. Rosa.

Samantala, namanahagi naman ng relief goods ang pamahalaang local ng Jaen sa pamumuno ni Mayor Sylvia Austria.

Bago pa man tumaas ang lebel ng tubig sa Pampanga River ay nagsagawa na ng pre – emptive evacuation sa mga barangay ng Lambakin, Sitio Sanggalang, Pamacpacan, Don Mariano Marcos, Hilera, San Pablo,Magsalisi at Sto. Thomas North.

Ayon kay,Mayor Austria, maayos ang pasilidad ng evacuation center. Paalala nito at sa mga kababayan  sa Jaen na palaging maging alerto sa panahon ng kalamidad, magkaisa, magtulungan at higit sa lahat manalig lang sa Panginoon.

Hanggang sa humupa umano ang baha ay mananatili sa mga evacuation center ang mga nagsi likas na mamamayan ng jaen.- ulat ni Getz Rufo Alvaran