Inilunsad kamakailan ang kumperensya ng mga Batayang Sector ng Gitnang Luzon, kung saan nagtipon-tipon ang humigit kumulang 150 mga kinatawan ng iba’t ibang sektor at asosasyon upang kumalap ng isang milyong pirma upang paigtingin at patuloy na suportahan ang GPB o Grassroots Participatory Budgeting na ginanap sa Siera Madre Suites Conference Hall, Palayan City, Nueva Ecija.
Ayon kay Marco Polo C. Ferrer, National Secretary ng Kilos Mamamayan na ang layunin ng kampanya sa isang milyong pirma ay upang magtuloy-tuloy, maisabatas at maging permanente ang GPB pagkatapos ng administrasyon ni Pangulong Aquino.
Ang GPB ay isang proseso kung saan ang mga ordinaryong mamamayan ay nagiging kasangkot sa budgeting process na sila mismo sa kanilang samahan sa pamamagitang ng mga CSO o Civil Society Organization ang magbabalangkas ng mga programa at nagkakaroon ng pakikipag ugnayan sa mga Local at National Government Agencies upang makabuo ng isang Budget Planning Team.
At bilang kinatawan ni Governor Aurelio “Oyie” Umali ay nagbigay ng mensahe si Provincial Administrator Atty. Alejandro Abesamis kaugnay sa usaping GPB.
Samantala, kasabay noong araw na yun ang Awarding of Checks for GPB Projects na pinangunahan ni Abraham Pascua Provincial DILG Director para sa Probinsya ng Nueva Ecija na mayroong kabuuang halagang Php. 32,598,478.00 mula sa mga piling labing pitong bayan sa District 1,District 2 at District 3 na dumaan sa tamang batayan at proseso ay magiging benepisyaryo ng nasabing programa ay una na dito na mabigyan ng tseke ang mga sumusunod na bayan:
Carangglan-3.9 M
Licab-4.75 M
Talugtog-4.7 M
Sto. Domingo-3.4 M
Cuyapo-8 M
General Natividad-3.15
Lupao-4.5 M
—— Ulat ni Joyce Fuentes
