Tampok sa pasiklaban ng Radio and Television advertisement ang Tilapyang daing o Tilading at Biofertilizer na gawang Central Luzon State University sa ginanap na Agrifishpreneurship nitong Sabado sa Cyberzone, SM Cabanatuan.
Sampung kalahok naman ang naglaban laban sa Radio commercial at walong kalahok sa tv advertisement ng Biofertilizer , habang siyam naman ang lumahok sa Radio and Television advertisement ng Tilading.
Ayon kay Dr. Matilde Recto, Direktor ng Center for Educational Resources and Development Services, ito ay ginaganap bilang pagbibigay-daan para lalong makilala ang kakaibang produkto, na sa CLSU lamang matatagpuan.
Dagdag pa nito, ito ay pinag-igihang gawin para mayroong kakaibang produkto na maihahain at maipagmamalaki ang mga Novo Ecijano.
Layunin nito na ipaalam sa lahat ng stakeholders na ang CLSU ay hindi lamang nagdedevelop ng mga produkto bagkus tumutulong din sa countryside para sa mas mainam na pag aagrikultura ng lalawigan, mula sa pagtitilading maging sa paggawa ng biofertilizer, Maging commercially viable na tatangkilikin hindi lamang sa pilipinas kundi sa ibang bansa .
Matatandaang una na ngang pinakilala ang Tilading noong Setyembre ng ipinagdiwang ang CLAARDEC sa pamamagitan ng poster making at slogan contest hanggang sa nagkaroon na ng print ad at ngayon ay umabot na sa television advertisement na planong ipasok ‘on-air’ para araw araw ng mapakinggan at maipaalam sa buong lalawigan.-Ulat ni Getz Rufo Alvaran
