Nagkakaisang Tricycle Operators and Drivers Association sa Cabanatuan Inc. at Sangkap Kapuso Multipurpose Cooperative Inc., kinikilala na bilang Non-Governmental Organization sa Cabanatuan City.
Accredited na bilang Non-Governmental Organization sa Cabanatuan City ang Nagkakaisang Tricycle Operators and Drivers Association sa Cabanatuan Inc. at Sangkap Kapuso Multipurpose Cooperative Inc., matapos aprubahan sa Ika-Anim na Regular Session ng Sangguniang Panlungsod.
Base sa isinumiteng Committee Report ng Committee on Laws, Rules and Regulations ang Nagkakaisang Tricycle Operators and Drivers Association sa Cabanatuan ay kwalipikado at nakasunod sa mga hinihinging dokumento.
Habang ang Sangkap Kapuso Multipurpose Cooperative ay muling nakatugon sa mga kinakailangang papeles sa kanilang renewal application.
Matatandaan na pinayuhan ni Vice Mayor Anthony Umali ang mga konsehal na suriing mabuti ang pagbibigay ng akreditasyon sa mga Civil Society Organizations (CSO).
Aniya, hindi lang dapat ina-asses ang CSO kundi dapat i-evaluate itong mabuti kung talagang aktibo ang grupo sa pagganap sa kanilang tungkulin bilang miyembro ng lipunan. –ULAT NI DANIRA GABRIEL
